4 -ئاينىڭ 24-كۈنى، جۇڭگو ئۆمۈر سۇغۇرتىسى بىلەن جۇڭگو  ۋۇكۇاڭ گۇرۇھى  ئومۇميۈزلۈك ئىستراتېگىيەلىك ھەمكارلىق كېلىشىمى ئىمزالىدى، جۇڭگو ئۆمۈر سۇغۇرتىسى گۇرۇھىنىڭ باش مۇدىرى ۋاڭ بىن، ۋۇكۇاڭ گۇرۇھىدىكى تاڭ فۇپىڭ باش مۇدىرى كېلىشىم ئىمزالاش مۇراسىمىغا قاتناشتى ۋە بۇ مۇراسىمغا شاھىت بولدى، گۇرۇھ شىركىتىنىڭ مۇئاۋىن باش دىرېكتورى يىن جاۋجۈن بىلەن ۋۇكۇاڭ گۇرۇھىنىڭ مۇئاۋىن باش دىرېكتورى رېن جۇفېڭ ئىككى تەرەپكە ۋاكالىتەن ئومۇميۈزلۈك ئىستراتېگىيەلىك ھەمكارلىق كېلىشىمى ئىمزالىدى. باش مۇدىر ۋاڭ بىن جۇڭگو ئۆمۈر سۇغۇرتىسىنىڭ يېقىنقى يىللاردىن بۇيانقى تەرەققىيات ئەھۋالىنى تونۇشتۇردى.باش مۇدىر ۋاڭ بىن مۇنداق دېدى: ئىككى تەرەپ ئىستراتېگىيەلىك ھەمكارلىق كېلىشىمى ئىمزالاپ ،  ھەمكارلىقنى تېخىمۇ قويۇقلاشتۇرۇپ، ھەمراھلىق مۇناسىۋىتى ئورنىتىشتا مەركەزنىڭ ئىقتىساد خىزمەت يىغىنى ۋە مەركەزنىڭ مالىيە-ئىقتىساد كومىتېتى 4-يىغىنىنىڭ روھىنى چوڭقۇر ئىزچىللاشتۇرۇپ ۋە ئەمەلىيلەشتۈرۈپ، پۇل مۇئامىلىنىڭ ئەمەلىي ئىقتىسادقا مەدەت بېرىش سالمىقىنى كۈچەيتىشتىكى مۇھىم ھەرىكەت كۈچ ئىكەنلىكىنى ۋە شۇنداقلا، جۇڭگو ئۆمۈر سۇغۇرتىسى، مەبلەغ سېلىش، بانكىدىن ئىبارەت ئۈچ چوڭ بۆلەكنىڭ ئۇنىۋېرسال تىجارەت ئەۋزەللىكىنى جارى قىلدۇرۇپ، ۋۇكۇاڭ گۇرۇھىنىڭ يۇقىرى سۈپەتلىك تەرەققىياتىغا تۈرتكە بولىدۇ. باش مۇدىر تاڭ فۇپىڭ ۋۇكۇاڭ گۇرۇھىنىڭ قايتا تەشكىللىنىش ئارقا كۆرۈنۈشى، تەرەققىيات ئەھۋالى، كارخانا ئارزۇسىنى تونۇشتۇردى، جۇڭگو ئۆمۈر سۇغۇرتىسىنىڭ كۆپ يىللاردىن بۇيان  ۋۇكۇاڭ گۇرۇھىنى قوللىغانلىقىغا ۋە ياردەم بەرگەنلىكىگە رەھمەت ئېيتتى. باش مۇدىر تاڭ فۇپىڭ مۇنداق دېدى: ئىككى تەرەپنىڭ ھەمكارلىق ساھەسى كەڭ، كەلگۈسى ھەمكارلىقنىڭ يوشۇرۇن كۈچى زور، ئىككى تەرەپنىڭ داۋاملىق زىچ ھەمكارلىقنى ساقلاپ ، ئىستراتېگىيەلىك ئۆزئارا ئىشىنىشنى يەنىمۇ ئىلگىرى سۈرۈپ، ئىلگىرىكى ياخشى ھەمكارلىق ئاساسىدا زىچ، ئۇزاق مۇددەتلىك ئومۇميۈزلۈك ئىستراتېگىيەلىك ھەمكارلىق ھەمراھلىق مۇناسىۋىتىنى چوڭقۇرلاشتۇرۇپ، ئىككى تەرەپنىڭ ئەمەلىي چوڭقۇر ھەمكارلىقىنى ئىلگىرى سۈرۈشىنى ئۈمىد قىلىمەن .